Сеф полн со стотици илјади евра и голема количина златен накит бил украден од приватен дом во една белградска населба, во грабеж кој според првичните сознанија бил внимателно испланиран.
Кражбата била откриена на 21 август, кога сопственикот се вратил во својот дом и ја затекнал влезната врата провалена, по што веднаш го пријавил случајот во полиција.
Според првичните информации, во сефот кој бил однесен од крадците имало околу 400.000 евра готовина, како и голема количина златен накит.
Се претпоставува дека сторителот имал информации за движењето на сопственикот и знаел дека тој неколку дена нема да биде во домот.
Дополнително, се истражува и можноста крадецот да знаел каде точно се наоѓа сефот.
