Неколку ученици од ОУ „Димо Хаџи Димов” во Скопје се уште чуствуваат благи последици од минатонеделното труење. Полека со помош на лекарите се ќе помине, но надлежните институции не треба да го заборават немилиот и опасен настан. Напротив. Труењето со храна и норовирус не смее да се случува во училишта.
Секојдневно мора да е отворено прашањето за безбедноста и за хигиената на храната, но и воопшто во училиштата. Постоењето на фекални бактерии на разни површини и ширењето на норовирусот укажуваат на сериозни пропусти во хигиенските практики.
Загрозувањето на здравјето на децата е недозволиво. Строги и редовни контроли на хигиената во сите училишта низ Македонија мора да има. Таргетот не треба да бидат само кујните, туку и тоалетите и училниците.
Имаме многу надлежни институции кои се дебело платени за да се грижат за учениците, време е да се координираат и да работат понастојчиво и посистематки. Тие треба пред се проблемите да ги спречат, а не само да реагираат откако ќе се случат.
