Претседателот на Општинскиот комитет на ВМРО-ДПМНЕ во Гостивар, Мартин Андоновски, продолжува со интензивните средби со членството во рамки на теренските активности на партијата.
Во изминатиот период тој оствари средби со членовите на МК Кеј Вардар и МК Циглана, каде што се разговараше за актуелните предизвици, потребите на граѓаните и идните активности на партиската организација.
„Продолжуваме со интензивни средби и разговори со нашето членство“, порача Андоновски, нагласувајќи дека директната комуникација со членовите е клучна за зајакнување на организацијата и креирање политики кои одговараат на потребите на граѓаните.
Од ОК на ВМРО-ДПМНЕ Гостивар истакнуваат дека единството, посветеноста и заедничката работа остануваат основа за понатамошниот развој на општината.
„Заедно, обединети и посветени работиме за Гостивар и за сите гостиварчани“, е пораката испратена од средбите со членството.
Активностите на терен ќе продолжат и во наредниот период, со цел одржување на непосреден контакт со членовите и граѓаните и креирање решенија во интерес на локалната заедница.
https://www.facebook.com/share/p/1EUidwe6dE/
