Организациајта „еCrowd“ – платформа која помага на семејства со здравствени и други семејни проблеми, со нова објава ја замолува јавноста за помош за самохрана мајка со две дечиња, на кои им е потребна помош за реновирање на домот и достоен живот.
– Животот што го замислувала исполнет со љубов и сигурност, за жал се претворил во години страв, психичко и емоционално насилство – врз неа и врз нејзините две деца.
По долг период борба, таа конечно собра сила да замине и да ги заштити своите деца. Судот ѝ доделил целосно старателство и заедно започнале нов живот – под кирија, но со мир и надеж дека конечно ќе имаат нормално детство и сигурност. Нејзината најголема поддршка бил нејзиниот татко.
Заедно започнале да ја средуваат куќата што тој ѝ ја оставил како подарок – дом во кој децата ќе растат без страв и трауми. Но животот повторно задава тежок удар. Нејзиниот татко ненадејно починал, оставајќи ги сами во секојдневна борба за опстанок.
Денес, оваа мајка не бара луксуз. Бара шанса за топол дом. Шанса нејзините деца да растат со љубов, сигурност и мир – онака како што секое дете заслужува – пишува во објавата на „еCrowd“.
