Градоначалникот на Битола, Тони Коњановски, денеска изврши увид во реконструкцијата на дел од спортската сала во основното училиште „Елпида Караманди“, проект кој има за цел подобрување на условите за учениците и наставниот кадар.
Според информациите од директорката Емилија Николовска-Спировски, реконструкцијата опфаќа:
целосна замена на дограмата во спортската сала,
нова електрична инсталација,
поставување плочки во ходниците и соблекувалните,
санација на санитарните јазли со нов довод и одвод,
комплетно опремување на тоалетите и соблекувалните.
Во рамките на проектот е предвидено и поставување фотоволтаичен систем, со што училиштето ќе добие поефикасно и енергетски поодржливо снабдување со електрична енергија.
Вкупната инвестиција изнесува 4.481.290 денари, средства обезбедени од Министерството за образование и наука.
Градоначалникот истакна дека Општина Битола во соработка со централната власт продолжува со вложувања во модернизација на образовните институции, со цел создавање подобри услови за учениците и подигнување на квалитетот на наставниот процес.
