На маргините на 76-тата седница на Регионалниот комитет на Светската здравствена организација (СЗО) за Европа, министерот за здравство Сашо Клековски оствари повеќе билатерални средби со претставници на здравствени институции и меѓународни организации.
Клековски се сретна со чешкиот министер за здравство Адам Војтјех, со кого разговарал за можностите за билатерална соработка и размена на искуства. Притоа, тој се заблагодарил за поддршката од Чешка по трагедијата во Кочани и ги претставил здравствените приоритети на земјата.
Средба имал и со Флоренс Бауер, регионална директорка на Фондот на Обединетите нации за население (УНФПА) за Источна Европа и Централна Азија. Разговорите биле насочени кон демографските предизвици со кои се соочуваат земјите во регионот.
Во рамки на посетата, Клековски разговарал и со двајца кандидати за генерален директор на СЗО: д-р Ханс Клуге, регионален директор на СЗО за Европа, и д-р Ханан Ал-Кувари, поранешна министерка за јавно здравје на Катар.
На средбите Клековски ги претставил приоритетите на Македонија и ја истакнал потребата од силна поддршка на СЗО за земјите од европскиот регион.
Тој се сретнал и со Евис Сала, поранешна министерка за здравство и социјална заштита на Албанија. На средбите бил придружуван од амбасадорот на Македонија во Данска, Фадил Зендели.
