Сушата е причина за доцнење на есенската сеидба на житните култури во штипскиот регион. Земјоделците велат дека климатските промени им прават големи проблеми пред стартот на сеидбата на јачменот и пченица, поради недостаток на дожд не можат да влезат во своите ниви за да ги изораат. Надеж имаат, доколку им заврне дожд во текот на претстојниот викенд.
„Ваква година не паметеме.Нема дождови и речиси 80 до 90% од површините не се изорани. И по жетвата не можевме да ги изораме и тогаш беше сушна летото“, рече Гоце Серафимовски потпретседатедл на Асоцијација на земјоделци
Зголемените трошоци за сеидба, како што се нафтата и вештачките ѓубрива им ги зголемија и производствените трошоци.Околу 1500 денари за декар ќе ги чинат подготовките за сеидба, што за земјоделците не е исплатливо.Серафимовски вели дека имаат контакт со ресорното министерство ,ќе бараат помош преку интервентниот фонд. Инаку македонските земјоделци 85% од површините ги сеат со житни култури во текот на есента, за да имаат поголеми приноси.
