Заменик-министерот за правда, Ален Деребан, учествуваше на Глобалната тркалезна маса на ОЕЦД за еднаков пристап до правдата, која се одржува во Истанбул, каде што ги претстави приоритетите на Македонија за модернизација и унапредување на правосудниот систем.
Во своето обраќање, Деребан ја нагласи потребата од забрзана дигитализација, подобра соработка меѓу институциите и спроведување реформи што ќе донесат конкретни придобивки за граѓаните.
Тој посочи дека целта е создавање поефикасно и подостапно правосудство, во кое граѓаните полесно ќе ги остваруваат своите права, а институциите ќе обезбедуваат поквалитетни и побрзи услуги.
Според Деребан, реформските процеси треба да бидат насочени кон практични резултати и подобра поврзаност на правосудните институции.
