Присилното ажурирање на оперативниот систем Windows 11 среде состанок или додека се гледа некаков содржина, доаѓа до крај. Microsoft на својот блог најави големи промени кои доаѓаат во Windows Update, вклучувајќи и можност за неограничено паузирање на ажурирањата за Windows, во интервали од по 35 дена.
Со цел да им даде поголема контрола на корисниците, Windows Update воведува опција за продолжување на паузата на ажурирањата колку што сакаат. Откако ќе се одлучат да ги паузираат ажурирањата за Windows 11, корисниците нема да бидат вознемирувани 35 дена, но сега можат да го ресетираат ова ограничување од 35 дена онолку пати колку што сакаат. Сепак, на крајот се препорачува инсталирање на овие ажурирања, бидејќи поголемиот дел од нив се однесуваат на безбедносни надградби и само повремено бараат итни поправки, но Microsoft им дозволува на корисниците сами да одлучат кога ќе го направат тоа.
Ариа Хансон од Microsoft во блогот напиша дека овие промени се резултат на повратни информации кои доследно укажувале на „прекини предизвикани од ненавремени ажурирања и недоволна контрола врз тоа кога се случуваат ажурирањата“.
Освен одложувањето на ажурирањата, Microsoft обезбедува корисниците на Windows 11 секогаш да имаат можност да ги исклучат или рестартираат своите уреди без ажурирање. Овие промени се надоврзуваат на уште една неодамнешна измена која им овозможи на корисниците да ги прескокнат ажурирањата при поставување на нови Windows уреди. Според Microsoft, најновите функции на Windows Update моментално се воведуваат за оние што се пријавени во Windows Insider програмата, особено за корисниците во Dev и Experimental каналите.“
Konekt.mk
