Актерката Линдзи Лохан (39) повеќе од една деценија живее со семејството во Дубаи, кој беше погоден од обемен напад на Иран. Извор близок до актерката за ТМЗ тврди дека таа и нејзиното семејство се безбедни, а и самата се огласи на Инстаграм.
Живот далеку од Холивуд
Актерката во Дубаи пронајде засолниште од медиумското внимание. Таму живее со сопругот, бизнисменот Бадер Шамас (39), и нивниот двегодишен син Луаи. Строгите закони што го ограничуваат фотографирањето лица без дозвола ѝ овозможиле речиси нормален семеен живот. Повеќепати истакнала дека животот во Дубаи ѝ е помирен, а токму таму се омажи, стана мајка и избира само деловни проекти што се вклопуваат во нејзиниот нов животен ритам.
Лохан и семејството наводно се безбедни
Според извори блиски до актерката, на кои се повикува ТМЗ, Линдзи Лохан, нејзиниот сопруг и син се на сигурно. Актерката се огласи и на Инстаграм со кратка порака: „Се молам за мир. Се надевам дека сите се безбедни. Бог да ве благослови сите“, напиша таа.
Безбедносната состојба го наруши авионскиот сообраќај, а властите ги повикаа граѓаните на претпазливост. И покрај тензиите, животот во градот не е целосно запрен, а Дубаи и натаму се обидува да го задржи статусот на стабилно и безбедно прибежиште за милионите странци кои таму живеат и работат.
