Претставници на Општина Пробиштип денеска го посетија домот на првороденото дете во општината за 2026 година, при што беа доделени пригодни подароци од страна на Општината и од Општинскиот совет за безбедност на сообраќајот на патиштата.
Малата Исидора, родена на 1 јануари во 00:22 часот, е првото новороденче во Пробиштип во новата 2026 година и претставува голема радост за нејзините родители, Бојана и Даниел Филиповски.
Од Општина Пробиштип упатија искрени честитки до семејството Филиповски, со желби Исидора да расте здрава, среќна и безгрижна, исполнувајќи го домот со љубов, радост и семејна топлина.
Локалната самоуправа истакнува дека и во иднина ќе продолжи со поддршка на семејствата и најмладите жители, со цел создавање подобри услови за квалитетен, безбеден и достоинствен живот во локалната заедница.
