Скопје, 16 септември – Претседателката секогаш ги консултира членовите на Советот пред да свика седница, како и надлежните органи и служби, велат од Кабинетот на шефицата на државата како одговор на прашањето на ТВ 24 дали Претседстелката ќе го свика Сиветот за безбедност по изјавите на премиерот дека случајот со пожарите е “диверзија од домашни и надворешни центри”.
“Во моментов се одвиваат активности насочени кон откривање на причините за пожарите, санирање на последиците и превенирање на слични инциденти. Се разбира, може да очекуваме и идентификување на евентуалните сторители, утврдување на нивната одговорност и нејзино санкционирање. За свикување и одржување на седница се потребни релевантни информации и подготвени материјали”, велат од Кабинетот на шефицата на државата за ТВ 24.
