Еден век Зоолошка градина Скопје, градината преплавена од намјладите со насмевки и радости. Основана во 1926 година по иницијатива на биологот Станко Караман, ЗОО Скопје е една од најстарите зоолошки градини на Балканот. Нејзината историја е во исто време историја на Скопје. Денес скопската зоолошка градина е едно од најпосакуваните места за најмладите.
Директорката на зоолошката градина најави подобрување на условите во зоолошката градина според европски стандарди.
Таткото на градот Скопје, Орце Ѓорѓиевски вели дека јубилејот истовремено претставува и обврска за создавање подобри услови и посигурна иднина за објектот.
Во рамки на најавените активности, се планира соработка со стручни експерти и воведување нова организациска и развојна динамика, со цел враќање на Зоолошката градина во Европска асоцијација на зоолошки градини и аквариуми и подигнување на европските стандарди за грижа за животните, едукација и доверба кај посетителите.
