Потпретседателот на САД, Џеј Ди Венс, изјави дека преговорите за завршување на војната на Русија во Украина се фокусирани на безбедносните гаранции за Украина и на териториите што Русија сака да ги контролира, вклучувајќи и украински територии што воопшто не ги окупирала.
– Навистина постојат две големи прашања што остануваат отворени и, на некој начин, тоа е многу едноставно, но истовремено и многу комплицирано – изјави Венс во интервју со Лора Инграхам на „Фокс њуз“, во средата вечер.
Тој додаде дека Украина сака да знае дека нема повторно да биде нападната од Русија и дека ќе ја има својата територијална целост и во иднина. Русите сакаат одредени делови од територијата, поголемиот дел од нив веќе ги окупира, но некои не се освоени, посочи Венс.
Тој оцени дека средба меѓу рускиот и украинскиот претседател би можела да биде голем напредок во преговорите.
– Таму е суштината на преговорите. Украинците бараат безбедносни гаранции. Русите сакаат одредени територии – рече Венс.
