Градежната компанија „Стентон Градба“ ја зајакна својата транспортна логистика со набавка на 10 нови камиони – четириосовинци (8×4), наменети за работа на терен и транспорт на материјали во рамки на тековните и идни проекти.
Компанијата „Стентон Градба“ изведува активности како ископ, сепарација, производство на бетон и транспорт на градежни материјали, што директно ја нагласува важноста на ваков тип возила во секојдневната оперативна реализација на градежните зафати.
Набавката на новите 8×4 камиони се вклопува во насоката на компанијата за модернизација на возниот парк и дополнителна поддршка на градежната механизација, со што се овозможува поефикасно извршување на градежните активности.
Со проширувањето на флотата се очекува поголема ефикасност во транспортот на агрегати и други градежни материјали, подобра организација на градилиштата, како и зголемена оперативна подготвеност за реализација на проекти со поголем обем на активности на повеќе локации.
