Агенцијата за храна и ветеринарство соопшти дека официјалните ветеринари на граничниот премин Ќафасан одбиле пратка од над 10 тони јагнешка кожа со потекло од Република Албанија, која требала да транзитира низ државата.
Пратката е вратена согласно превентивните мерки за заштита од ширење на болеста чума кај мали преживари, која е присутна во Албанија.
Од АХВ наведуваат дека со оваа одлука е спречен потенцијален здравствен ризик и е потврдена нивната улога во заштитата на јавното здравје, безбедноста на храната и домашното производство.
