Во периодот од 26 до 28 октомври на Златибор се одржа јубилејното, 30. Издание на собирот „Радио денови“ во организација на здружението РАБ Србија. Овогодинешниот собир под слоганот „Радио – глас кој трае“ повторно на едно место ги собра радиските професионалци од Србија и регионот.
Во рамки на тридневниот настан се одржаа панели, работилници и предавања посветени на иднината на радиото во дигиталното доба – од иновација до одржливост, до употребата на вештачка интелигенција во новинарството и продукцијата. Особено внимание привлекоа темите за развој на поткастите и новите начини на допир до публиката.
„Радиото не е само музички плеер – тоа информира, образува и создава своја содржина. Силата на радиото е во неговата способност да се прилагодува и опстанува“, порача претседатеделката на РАБ Србија Маја Раковиќ.
Инаку, по повод организирањето на 30. Радио денови, РАБ Србија со доделувањето на признанијата „Златен РАБ Србија“ награди поединци и организации кои со години несебично го потпомагаат и поддржуваат овој медиумски настан. Еден од добитниците е и Ѓорги Савев од македонскотСити радио.
