Откако повторно се врати на старите патеки и почна да бележи добри резултати на тениските турнири, Британката Ема Радукану стави потпис на највредниот договор во својата кариера.
Дваесет и тригодишната британска тенисерка која во моментов е 25. на светската ранг-листа и полека се враќа на старите патеки на успехот. Покрај резултатите на теренот, Радукану важи и за една од најпопуларните спортистки во светот.
Британката има огромна група на фанови ширум планетата, покрај Обединетото Кралство, особено е популарна и во Кина, од каде што е нејзината мајка, но и во Романија, земјата на нејзиниот татко.
https://www.instagram.com/p/DVH_IamAXzs/?utm_source=ig_web_copy_link&igsh=NTc4MTIwNjQ2YQ==
Неодамна таа ја раскина соработката со „Најк“, компанија со која соработуваше од сцојата 15-та година, а сега и официјално беше објавено дека таа станува ново заштитно лице на јапонскиот бренд „УНИКЛО“.
Според информациите новиот договор ќе ѝ донесе околу три милиони евра годишно што е дури 30 пати повеќе од она што го заработуваше според претходниот договор.
