Скопската јавна обвинителка Ленче Ристоска, го демантира премиерот Христијан Мицкоски, дека како јавен обвинител за врски со Европравда зема многу висока плата.
-Од аспект на мојата плата и платата која јас ја земам, ќе кажам дека се неточни тврдењата на премиерот Мицкоски, дека земам повисока плата. Јас како и сите обвинители од скопското обвинителство земам плата која што со закон ми е определена и со закон ми следува. И можам да кажам само дека ваквите тврдења кои што се изнесуваат за мене од страна на премиерот, доведени во колерација со листата што не е пратена во Стразбур, докалку се земе фактот дека и одредени провладини медиуми шират клеветнички кампањи, сето тоа во одреден контекст, не сметам дека е случајно, а дали постои анимозитет или не, тоа ќе треба да си го прашате претседателот на ВМРО-ДПМНЕ, изјави обвинителката Ленче Ристоска.
