Полицијата лишила од слобода 33-годишен скопјанец откако при претрес во неговиот дом во Гази Баба била пронајдена рачна бомба.
Случајот се случил на 1 октомври околу 19:35 часот, кога полициски службеници од СВР Скопје го лишиле од слобода Б.С. (33) од Скопје.
При претресот во неговиот дом, извршен со судска наредба, била пронајдена и одземена една рачна бомба „кашикара“.
Лицето било задржано во полициска станица. Од МВР информираат дека по целосното документирање на случајот, против него ќе биде поднесена соодветна пријава.
