Apple го забрзува развојот на првиот преклoпен iPhone, со најавено лансирање заедно со iPhone 18 Pro моделите и покрај претходните шпекулации за одложување
Развојот на iPhone Fold на Apple напредува непречено и уредот е планирано да биде лансиран во стандардниот септемвриски период за iPhone, пренесува Марк Гурман од Bloomberg. Преклопниот iPhine, кој може да биде наречен и iPhone Ultra ќе биде достапен за продажба во приближно исто време или набрзо по почетокот на продажбата на iPhone 18 Pro моделите.
Извештајот на Гурман е во спротивност со информациите од јапонскиот сајт Nikkei, кој тврдеше дека доцнења во инженерскиот процес може да го одложат лансирањето на iPhone Fold до 2027 година. Според Гурман, тие информации се „неосновани“. Nikkei наведе дека Apple се соочува со инженерски проблеми кои се посложени и бараат повеќе време за решавање од очекуваното.
Само пред две недели, и самиот Гурман изјави дека iPhone Fold веројатно ќе биде пуштен во продажба подоцна од iPhone 18 Pro и 18 Pro Max, но изгледа дека плановите на Apple се променети.
Комплексниот дизајн на дисплејот на iPhone Fold може да ја ограничи достапната количина на уреди, што се совпаѓа со информациите од Apple аналитичарот Минг-Чи Куо. Во декември, Куо изјави дека производствените предизвици може да доведат до ограничена понуда и недостиг на iPhone Fold, но не спомена одложување на лансирањето.
Гурман додава дека иако Apple моментално планира да го продава iPhone Fold заедно со iPhone 18 Pro, плановите може да се променат и „времето на лансирање сè уште не е конечно“.
Масовното производство на iPhone Fold сè уште не започнало, а уредот се наоѓа во фаза на инженерска верификација. Вчера се појавија информации дека Apple започнал со пробно производство. Со оглед на повеќето извештаи за рани тестови во производството, се чини дека Apple се движи според својот стандарден процес за лансирање. Повеќе лица во фабриките на партнерите на компанијата веројатно веќе имаат пристап до уредот, што доведува до зголемување на протекувањата и мешани информации за временската рамка на лансирањето.
Бидејќи iPhone Fold е целосно нов уред и најинтересниот iPhone што Apple го има лансирано во последната деценија, може да се очекува континуиран бран на гласини до септември.
Првите наводни „dummy“ модели на iPhone Fold беа забележани денес, иако изгледаат речиси идентично со 3D печатените макети кои член на форумот на MacRumors ги креирал врз основа на гласини уште во мај 2025 година. Наскоро може да видиме подетални макети и протекување на делови.
iPhone Fold ќе има дисплеј од околу 5,5 инчи кога е преклопен и околу 7,8 инчи кога е отворен. Ќе биде дебел околу 4,5 мм и ќе има сооднос на страни 4:3, што ќе го направи сличен по дизајн на iPad. Во споредба со другите преклопливи смартфони на пазарот, ќе биде поширок и понизок.
