Денес се одржа редовното годишно Собрание на Фудбалската федерација на Македонија, на кое беа усвоени клучни одлуки за иднината на македонскиот фудбал.
Масар Омерагиќ, претседател на ФФМ, истакна дека е донесен нов Статут, буџетот за годината, како и насоките за стратегијата 2026-2030. Со поддршка од УЕФА и ФИФА, Федерацијата воведува ред, транспарентност и јасни правила, со цел да се искоренат системските манипулации.
„Нема повеќе фиктивни клубови и лажни бројки. Ставаме крај на системските манипулации и градиме фер и одржлив фудбал“, рече Омерагиќ.
Тој подвлече дека овие промени не се само козметички, туку значаен пресек во работата на Федерацијата – од фикција кон реалност.
