Градоначалникот на Чаир, Изет Меџити, оствари средба со градоначалникот на општина Каѓитхане од Истанбул, Мевлут Өзтекин, кој беше придружуван од двајца заменици и советници.
На средбата се разговараше за продлабочување на меѓуопштинската соработка, размена на институционални искуства и реализација на заеднички проекти, со посебен фокус на партнерства со граѓанскиот сектор.
Меџити истакна дека Каѓитхане е една од најдинамичните и стратешки важни општини во Истанбул и дека ваквата соработка претставува значаен чекор за урбаниот, културниот и локалниот развој на Чаир.
Двете страни ја нагласиле важноста на иницијативите насочени кон младите, културата и локалниот развој, при што средбата поминала во конструктивна атмосфера и со заложба за конкретни проекти кои ќе донесат видливи резултати за двете општини.
