Вечер исполнета со префинета естетика, современа уметност и исклучителни мирисни композиции ја одбележа ексклузивната презентација на двата најнови парфеми на Fragrance Du Bois, Lucius Maximus и Sirène Privée, која се одржа во Intermezzo во организација на Contimpex Cosmetic, ексклузивен застапник на брендот за македонскиот пазар.
Присутните имаа можност да навлезат во светот на еден од најценетите ниш парфемски брендови во светот, чија препознатливост не се темели само на исклучителниот квалитет на состојките, туку и на филозофијата дека парфемот претставува личен потпис, форма на самоизразување и емоционално искуство. Fragrance Du Bois со години успешно ги спојува традиционалното парфимерско мајсторство, иновативниот пристап кон создавањето мириси и одговорното користење на најретките природни суровини, создавајќи колекции што одамна ги надминаа границите на класичната парфимерија.
Во внимателно осмислен амбиент што ја долови естетиката на современиот луксуз, вечерта обедини инфлуенсери, креатори на содржини, љубители на ниш парфемите, медиуми и претставници на Fragrance Du Bois, кои заедно ја прославија премиерата на двете нови мирисни креации.
Посебна уметничка димензија на настанот му даде уметникот Бојан Ковски, кој преку впечатлив live painting перформанс создаде визуелно дело инспирирано од карактерот на новите парфеми. Неговиот препознатлив авторски израз и body art пристапот природно се вклопија во светот на Fragrance Du Bois, бренд што отсекогаш ја негува врската помеѓу парфемската и визуелната уметност.
Главните ѕвезди на вечерта беа новите парфеми, секој со свој автентичен карактер.
Lucius Maximus е композиција создадена за оние што оставаат впечаток без потреба од гласност. Моќен, елегантен и исклучително софистициран, овој мирис ја спојува современата машкост со безвременскиот луксуз, претворајќи ја секоја нота во израз на самодоверба и префинет стил.
Од друга страна, Sirène Privée ја открива поинтимната и помистериозна страна на женственоста. Со богати дрвенести и зачинети акорди, парфемот создава длабока, сензуална и современа мирисна приказна што останува долго во сеќавањето, оставајќи впечаток на елеганција што не бара внимание, туку природно го привлекува.
Целокупното искуство уште еднаш ја потврди позицијата на Fragrance Du Bois како бренд што не создава само парфеми, туку внимателно обликувани мирисни светови во кои секој детал има свое значење. Од изборот на најквалитетните состојки, преку дизајнот на шишињата, до начинот на кој се претставуваат новите колекции, секоја нивна приказна претставува славење на современиот луксуз, индивидуалноста и уметноста на мирисот.
Настанот заврши во исклучително пријатна атмосфера, проследен со многубројни позитивни реакции од гостите, кои имаа ретка можност меѓу првите да ги доживеат двете нови ремек-дела на Fragrance Du Bois.
