Две лица од демиркаписко киднапирале 21-годишно момче и му се заканувале со пиштол и остар предмет.
– Вчера во 16:45 и 18:40 часот, полициски службеници од ОВР Неготино ги лишија од слобода Б.М.(37) и Ќ.С.(30), двајцата од село Корешница, демиркаписко, постапувајќи по претходна пријава дека тие со патничко возило „мерцедес“ со демиркаписки регистарски ознаки, противправно лишиле од слобода 21-годишник од Неготино, му се заканувале со пиштол и остар предмет, по што го однеле на непозната локација и физички го нападнале, соопштија од полицијата.
Пиштолот и останати предмети биле пронајдени и одземени, а за настанот бил известен јавен обвинител.
Како што додаваат од МВР, двете лица, Б.М. и Ќ.С, се задржани во полициска станица и по целосно документирање на настанот против нив ќе бидат поднесени соодветни пријави.
