Во текот на изминатите 24 часа, во Охрид наврнаа 6 литри дожд на метар квадратен, соопштија од Управата за хидрометеоролшки работи на Република Македонија (УХМР).
Најмногу дожд во изминатите 24 часа наврна во Гевгелија, 18 литри дожд на квадратен метар, по што следуваат Кавадарци – 17, Маврови Анови – 11, Берово и Пожаране – 10, Тетово – 8 и Ѓуриште – 7 литри на м2. Следуваат Охрид, Скопје-Зајчев Рид и Претор каде наврнаа 6 литри на м2, Велес, Демир Капија и Струмица со по 5, Попова Шапка – 4, Виница, Битола, Крива Паланка, Тополчани и Прилеп – 3, Скопје – Петровец и Крушево – 2 и еден литар на м2 во Куманово.
Во Охрид денес сончево и посвежо време со мала до умерена локална облачност. Ќе дува слаб до умерен ветер од северозападен правец. Максималната температура ќе се искачи до 25 степени.
– Во текот на новата седмица ќе преовладува сончево и посвежо време со мала до умерена облачност во текот на денот. Температурите ќе бидат во границите на просекот за овој период од годината, информираат од Управата за хидрометеоролошки работи на Република Македонија (УХМР).
