Министерот за животна средина и просторно планирање, Муамет Хоџа, денеска заедно со премиерот Христијан Мицкоски го посети Идризово, Општина Гази Баба, каде изврши увид во реализацијата на проектот за изградба на секундарна фекална канализација и четири пумпни станици.
За реализација на проектот, Министерството издвои 50 милиони денари, со цел подобрување на комуналната инфраструктура, квалитетот на животот на жителите и заштитата на животната средина.
„Со овој проект, како и со сите проекти финансирани од Министерството, ги поставуваме темелите за зелениот пресврт во животната средина низ целата држава. Продолжуваме да инвестираме во системски решенија кои трајно ги решаваат проблемите на граѓаните“, истакна министерот Хоџа.
