Складовите за гас во Франција се полни 71%, а се очекува земјата да има доволно залихи за претстојната зимска сезона, изјави денес претседателката на Француската комисија за регулирање на енергијата (CRE), Емануела Варгон.
Според неа, моменталните податоци се „релативно охрабрувачки“, а целта е зафатеноста на складиштата во Франција да достигне 85% пред почетокот на сезоната, пренесува „Фигаро“.
Варгон додаде дека е „прилично уверена“ дека ова ниво ќе се достигне, со што ќе се намали ризикот од недостиг и прекини во снабдувањето на домаќинствата.
Референтната цена на гасот на европскиот пазар, холандската TTF, достигна 74,14 евра за MW·h, највисоко ниво за повеќе од три години, во споредба со околу 30 евра пред почетокот на новите конфликти на Блискиот Исток, што веројатно ќе влијае и на потрошувачите.
Дополнителен притисок претставува планираното постепено укинување на рускиот течен природен гас во Европа од 1 јануари 2027 година, поради што конкуренцијата за преостанатите извори на снабдување би можела дополнително да се зголеми, пренесува Танјуг.
Варгон предупреди дека Франција е целосно зависна од меѓународните пазари кога станува збор за гас.
Од 1 септември, референтната цена на гасот за француските домаќинства се зголеми за 5,6%, од 162,89 на 172,05 евра за мегават-час (MW·h), вклучувајќи го и данокот.
Промената влијае на околу 6 милиони домаќинства чии тарифи се поврзани со оваа цена.
