Државната изборна комисија во соработка и со поддршка на @ИФЕС (IFES), одржа тридневен работен ритрит посветен на детална евалуација на изминатиот изборен процес и дефинирање на идните стратешки чекори за унапредување на работата на институцијата.
Врз основа на Конечниот извештај на ОБСЕ/ОДИХР за Локалните избори 2025 година и релевантните истражувања за перцепцијата на јавноста, членовите на Комисијата, стручната служба и подрачните одделенија преку отворена дискусија за техничките и логистичките предизвици на терен, успешно го разработија Планот на активности на ДИК за претстојниот шестмесечен период, насочен кон зајакнување на внатрешната ефикасност, подигнување на професионалните стандарди и континуирано подобрување на функционалноста на изборната администрација во рамките на нејзините законски надлежности.
