„Ретко не значи невидливо” – зад секоја статистика и зад секоја осветлена тврдина во боите на ретките болести, стојат вистински луѓе, семејства и мајки кои водат битка со системот секој ден.
Една од нив е и Гордана Лолеска која својата лична родителска грижа ја преточи во национална мисија како претседател на “Здружението ретко е да си редок” Со неа разговараме за “дијагностичкиот лавиринт” за стравот од празни полици во аптеките кога доцнат тендерите и за тоа – колку чини животот кога државата пресметува буџети за лекови кои значат живот.
