Тамара Вучиќ, сопругата на Александар Вучиќ, привлече внимание со својот моден избор при појавувањето на гласачкото место во Нов Белград, каде што пристигна заедно со својот сопруг.
За оваа пригода таа избра елегантна комбинација во која доминираше белата боја, дополнета со впечатливи детали во бордо нијанса.
Тамара носеше широки бели панталони и бел капут со рамен крој, нагласен со ремен врзан околу половината.
Монохроматскиот изглед го надополни со бордо ролка, но најголемо внимание привлече големата чанта во истата боја.
Токму овој моден додаток внесе контраст во комбинацијата и ѝ даде дополнителна доза на елеганција.
Бордо бојата веќе неколку сезони е меѓу најпопуларните есенски трендови, а нејзиното комбинирање со бела облека создава впечатлив, но истовремено умерен изглед.
Тамара се одлучи за дискретна шминка и долга коса обликувана во нежни бранови, без накит или други нагласени модни додатоци.
За разлика од некои нејзини претходни, поопуштени модни изданија, овојпат избра класична елеганција.
Нејзиното појавување на гласањето покажа како со внимателно комбинирање на само две бои може да се постигне впечатлив дневен изглед.
Белата боја беше основата на комбинацијата, додека бордо чантата и ролката беа деталите што го направија нејзиниот стајлинг препознатлив.
