Во центарот на Атина дошло до експлозија по која дел од една зграда се урнал, соопшти грчката противпожарна служба.
Локалните медиуми објавија дека едно лице е полесно повредено. Според првичните информации, експлозијата најверојатно била предизвикана од истекување на гас, а била толку силна што се слушнала низ централното градско подрачје.
Противпожарната служба соопшти дека од објектот спасила жена.
Зградата се наоѓа во Плака, една од најстарите населби во Атина и едно од најпосетените туристички подрачја во грчката престолнина.
На местото на настанот интервенираат пожарникари, а околностите под кои дошло до експлозијата дополнително се утврдуваат.
