Претседателот на Србија, Александар Вучиќ, изјави дека вонредните парламентарни избори во Србија ќе се одржат на 25 октомври годинава.
Гостувајќи во дневникот на Радио-телевизија Србија, Вучиќ вечерва изјави дека е ред тој да донесе одлука за распуштање на Народното собрание, како и указ за распишување вонредни парламентарни избори.
„Двете одлуки ќе ги соопштам утре напладне. Изборите ќе се одржат на 25 октомври. Предизборната кампања ќе трае 46 дена“ – рече Вучиќ.
