Љубителите на музиката, традицијата и добрата забава и годинава ќе имаат можност да бидат дел од Сандево Фест, кој по четврти пат ќе се одржи во Чучер-Сандево, во подножјето на Скопска Црна Гора.
Фестивалот е закажан за 11 и 12 септември 2026 година, петок и сабота, а организаторите најавуваат две вечери исполнети со различни содржини наменети за посетители од сите генерации.
Програмата ќе понуди комбинација од музика, традиција и забава, со активности за најмладите, фолклорни настапи, стендап-комедија, како и настапи на македонски и регионални музички имиња.
Посетителите ќе можат да уживаат и во DJ сетови, а фестивалската понуда ќе биде надополнета со храна, пијалаци и атмосфера погодна за дружење.
Сандево Фест се одржува на само петнаесетина километри од Скопје, што го прави лесно достапна опција за сите оние кои сакаат за време на викендот да избегаат од градската гужва и да поминат две вечери во поинаква атмосфера.
Од фестивалот најавуваат дека програмата и имињата на артистите допрва ќе бидат објавени, а посетителите се повикуваат да ги следат официјалните информации во периодот што следува.
Сандево Фест 2026 – 11 и 12 септември во Чучер-Сандево, место каде музиката, традицијата и дружењето повторно ќе ги соберат посетителите.
