Густ чад направи обвивка над Скопје, а причината, според информациите од Центарот за управување со кризи, е активниот пожар во реонот на планината Китка, меѓу општините Студеничани и Зелениково.
Поради ветерот, чадот од пожарот се движи во правец на главниот град и е забележлив во повеќе скопски населби.
Во гаснењето на пожарот кај Китка досега е вклучен и хеликоптер на Министерството за внатрешни работи, додека надлежните служби ја следат состојбата на терен.
Од ЦУК информираат дека во моментов нема пријава за пожар на Водно, иако чадот е видлив и од тој дел на градот.
Во меѓувреме, на територијата на Општина Илинден се регистрирани уште два пожара, при што гори сува трева и ниска деградирана шума.
Засега, надлежните не го поврзуваат чадот над Скопје со нов пожар во градското подрачје, туку со огнената стихија која продолжува да гори во реонот на Китка.
