Силекс на стартот од новата сезона во ПМФЛ на домашен терен забележа убедлива победа од 6:0 во дуелот против Башкими, а денеска оди по првите гостински три бода. На стадионот „Чаир“ за ривал ќе го има тимот на Шкендија Арачиново.
Кратовскиот состав посакува да продолжи да чекори победнички во новата сезона. И покрај тоа што за ривал го имаат новиот прволигаш сепак тие се внимателни и очекуваат тежок меч.
Дарко Ангелески, играчот од средниот ред на Силекс и актуелен репрезентативец, посакува три бода.
„Не очекува еден тежок натпревар против екипата на Шкендија Арачиново. Нема да ја потцениме екипата, имаат многу нови, добри и искусни играчи во своите редови, и покрај тоа што стартуваа со пораз во првото коло. Ние имаме свој план и стратегија како да го добиеме овој натпревар, и во Чаир одиме да се надигруваме и да ги освоиме трите бода. Атмосферата во екипата е одлична, стартуваме со триумф над Башкими, и сега одиме понатаму, секако сакаме да оствариме нова победа“, изјави Ангелески.
Дуелот меѓу Шкендија Арачиново и Силекс се игра денеска во 17 часот на стадионот „Чаир“.
