Намалувањето на американскиот придонес во воените сили на НАТО за одговор при кризи стапи на сила веднаш, потврди генералниот секретар на Алијансата, Марк Руте, пред состанокот на министрите за одбрана во Брисел, пренесува „Политико“.
Иако Вашингтон ги прилагодува своите капацитети во т.н. „Модел на сили на НАТО“ (NATO Force Model) поради глобални обврски, Руте нагласи дека тоа не значи повлекување од сојузот и дека американското нуклеарно одвраќање останува цврсто. Во случај на реална војна, САД и понатаму ќе го максимизираат својот ангажман.
Празнините во конвенционалните сили веднаш ќе бидат пополнети со зголемен придонес од европските сојузници и Канада, со цел да се зачува вкупната одбранбена способност на Алијансата. Белгискиот министер за одбрана најави сериозни разговори за прераспоредување на воениот товар, што е клучна тема пред претстојниот Самит на НАТО во Анкара (7-8 јули). Паралелно, на состанокот во Брисел ќе се приклучи и украинскиот претседател Володимир Зеленски во рамки на Контакт-групата за одбрана на Украина.
