Во Чаир денес беа доделени 13 решенија за трајно вработување на наставници, кои досега работеле со договор на дело, со што се прави значаен чекор кон стабилизација на образовниот кадар.
Настанот се одржа во просториите на општината, во присуство на наставници, директори и други претставници од образовниот сектор, а на него присуствуваше и градоначалникот Изет Меџити..
Како што беше истакнато, овие вработувања се дел од поширок институционален ангажман за подобрување на условите во образованието и создавање сигурна работна средина за наставниците.
„Образованието останува континуиран приоритет за Општина Чаир. Со овие решенија обезбедуваме стабилност за наставниот кадар и градиме поодржлив систем, во функција на квалитетот на образованието и иднината на младите генерации,“ изјави Меџити.
Со доделувањето на трајните решенија, наставниците добиваат сигурност и долгорочна стабилност, што се очекува да има позитивно влијание врз наставниот процес и квалитетот на образованието.
Од општината потенцираат дека фокусот останува на создавање стабилни работни места, како и на јакнење на институциите кои треба да обезбедат квалитетни услуги за граѓаните.
Овој чекор се оценува како важен сигнал за поддршка на наставниот кадар, особено за оние кои подолг период работеле со несигурен работен статус.
Во наредниот период, локалните власти најавуваат продолжување на активностите за подобрување на условите во образованието, со цел создавање поквалитетна и постабилна средина за учениците и наставниците.
