Минималните месечни трошоци на четиричлено семејство во јануари изнесувале 66.413 денари и се зголемени за 921 денар во споредба со декември, покажуваат податоците на Сојузот на синдикати на Македонија. Од вкупните месечни минимални трошоци, 24.211 биле потребни за храна и пијалоци, а за подмирување на минималните режиски трошоци 6.338 денари
Поради зголемените трошоци на живот, ССМ бара зголемување на минималната плата на 600 евра и на сите останати плати. Во меѓувреме премиерот Христијан Мицкоски ја префрли топката кај работодавачите, очекувајќи, за минималецот, да се договорат со работниците. Поради немањето за слух синдикалците најавија дека утре ќе одлучуваат кога ќе се случи протестот кој е со тенденција да прерасне во генерален штрајк.
Работодавачите пак децидни дека бизнисот тоа нема да го издржи, додека од КСС се на ставот дека работниците треба да го добијат тоа што е законски во март спротивно од барањата на ССМ.
