Коалицијата ВЛЕН ја продолжува консолидацијата на своите изборни структури во пресрет на локалните избори закажани за 11 јануари, порачувајќи дека општините не смеат да бидат прибежиште за политичко преживување, туку институции во служба на граѓаните, развојот и конкретната работа.
Од ВЛЕН посочуваат дека во Гостивар, граѓаните јасно паметат кога последен пат имало сериозна и одговорна работа – за време на раководењето на Невзат Бејта. Според коалицијата, денес градот се соочува со последици од импровизација и застој, поради што е неопходно враќање на функционалноста и фокусот на економски развој и отворање работни места. Во таа насока, како дел од зајакнувањето на изборната организација,
Бахар Шабани е назначена за раководител на изборниот штаб во Гостивар.
Во Врапчиште, пак, од ВЛЕН велат дека постои јасна потреба од поголемо внимание, развој и подобар квалитет на живот. Зулхајрат Демири, независен кандидат поддржан од ВЛЕН, е оценет како обединувачка фигура со широка граѓанска поддршка. Таа доверба, според коалицијата, се одразува и во организацијата на кампањата, каде Буњамин Кадриу е избран за раководител на изборниот штаб.
Од ВЛЕН нагласуваат дека изборите на 11 јануари претставуваат јасен избор – меѓу работа и импровизација, одговорност и политичко преживување. Коалицијата порачува дека ќе остане на страната на граѓаните, работниците и сите кои бараат функционални општини и подобар живот.
