Градоначалникот на Кисела Вода и кандидат за градоначалник на Скопје, Орце Ѓорѓиевски, денеска присуствуваше на одбележувањето на патронатот на општинската организација на Сојузот на борци на Македонија и на општинската организација на борците од Кисела Вода.
Во своето обраќање, Ѓорѓиевски истакна дека денот нè потсетува на храброста, жртвата и неуморната борба на македонските партизани, кои ја ставиле својата слобода и животи на ризик за денешното слободно Скопје и Македонија.
„Нивните имиња се запишани со златни букви во историјата и во срцата на нашиот народ. Да ја чуваме и пренесуваме нивната жртва како аманет за идните генерации“, порача Ѓорѓиевски, додавајќи дека секогаш ќе остане искрена поддршка на борците.
