Кандидатот за градоначалник на Општина Чаир, Изет Меџити, го претстави Мухамед Муртези како носител на листата за советници на ВЛЕН за претстојните локални избори во октомври.
Во видео-обраќање на социјалните мрежи, Меџити истакна дека Муртези е „доктор, интелектуалец, активист на граѓанското општество и човек со високи вредности“. „Заедно кон големата победа. Само за тебе, Чаир,“ порача Меџити.
Муртези за првпат се вклучува во партиско-политичка активност, а како носител на листата и кандидат за претседател на Советот, неговата цел е да даде позитивен придонес во локалната заедница.
Нашата визија, заедно со идниот градоначалник на Чаир, е поубав, почист и побезбеден Чаир. Поквалитетно образование и наука, поразвиена култура и спорт, подобар и подостоинствен живот. Жителите на Чаир го заслужуваат тоа и јас верувам дека ова е остварливо со добра волја, посветеност и чесна работа. Затоа ја бараме вашата поддршка на 19 октомври. За нашиот Чаир,“ изјави Муртези.
