Рано изутринава, службеници од Мобилната единица за компензаторни мерки при Одделот за гранични работи и миграции на МВР, при контрола на две возила од Тетово открила поголема количина цигари и дробен тутун. Двете лица се приведени и се сомничат за шверц со цигари.
„Лишиле од слобода се две лица Б. З. (65) и И. Р. (67), двајцата од Тетово. При контрола на патничко возило ‘фолксваген голф‘ со тетовски регистарски таблички, кое го управувал Б. З., биле пронајдени и одземени 13 кутии со филтри за цигари, 129 штеки разновидни цигари, 14,5 килограми дробен тутун, машинки за полнење на цигари и СИМ картички. Додека, пак при контрола на патничко возило ‘фолксваген голф‘ со тетовски регистарски ознаки, управувано од И. Р., биле пронајдени и одземени 58 штеки разновидни цигари, 12,5 килограми дробен тутун, машинки за правење цигари, сим картички, табакери и 19 кутии со филтри за цигари“, соопшти МВР.
Од таму велат дека лицата биле задржани во полициска станица и по целосно документирање на случаите, ќе бидат поднесени пријави по член 278-б и 279 од Кривичниот законик.
