Градоначалникот на Општина Битола, Тони Коњановски, информира дека во тек се интензивни работни активности на две нови детски градинки, кои ќе го подобрат капацитетот за згрижување на најмладите во градот.
Првата градинка се гради во состав на ОУ „Св. Климент Охридски“, додека втората се реализира во ОУ „Елпида Караманди“. Двете институции се дел од планот на локалната власт за развој на современа и функционална инфраструктура за предучилишно образование.
Со овие проекти, се унапредува квалитетната грижа за децата и се создаваат услови за нивно здраво и безбедно развивање.
Инвестициите во двете градинки се во согласност со долгорочната стратегија на Општина Битола за модернизација на образовниот систем и поддршка на семејствата.
