Манчестер Сити неодамна беше прогласен за виновен за кршење на многу правила кога станува збор за финансиите, поради што се очекува клубот од „Итихад“ да биде драконски казнет. Се чини дека и Ерлинг Халанд е свесен за ова бидејќи наводно започнал преговори со клубот каде што сака да ја продолжи кариерата.
„Граѓаните“ се жалеа на одлуката дека се виновни за кршење на многу финансиски правила во изминатите повеќе од десет години, но многумина веруваат дека тоа нема да им помогне и дека одлуката нема да се промени.
По жалбената постапка, на Манчестер Сити ќе му биде изречена казна, а веќе се шпекулира дека ќе биде многу строга. Се зборува многу за исфрлање од Премиер лигата и забрана за учество во европските натпреварувања до десет години, како и за одземање на титулите што ги освоиле во тој период.
Иако навивачите на Сити се надеваат на пресврт, се чини дека сè повеќе луѓе сфаќаат колку е сериозна ситуацијата и дека шансите клубот да се спаси се намалуваат.
Играчите на англискиот клуб даваат се од себе на теренот и се обидуваат да не размислуваат за тоа што се случува во клубот, но како што се шират шпекулациите за сè посериозни последици, јасно е дека мора да почнат да размислуваат за иднината.
Во преден план е најдобриот играч на Сити, Ерлинг Халанд, кого многу клубови би сакале да го видат во своите редови.
Барселона, Реал (М), Арсенал, ПСЖ, Челзи и многу други веќе покажаа интерес за Халанд, но како што стојат работите, Норвежанецот веќе одлучи каде ќе оди ако биде принуден да го смени клубот.
Халанд ќе остане во Сити ако клубот не биде посериозно казнет, но во случај ситуацијата да е поинаква, тогаш најверојатно неговата нова дестинација ќе биде Барселона.
Англиските медиуми објавија дека Барселона контактирала со претставниците на Халанд за да се распраша за целата ситуација и дека добиле позитивен одговор.
Халанд има договор до летото 2034 година, а неговата цена е речиси 200 милиони евра, но јасно е дека би била многу пониска доколку Манчестер Сити биде посериозно казнет. Барселона се надева дека цената би можела да се намали на 100 милиони евра.
