Младиот Бразилец во составот на Реал (М), Ендрик бил лут и незадоволен од одлуката на Реал Мадрид да му го додели дресот со број 9 на Гонзало Гарсија.
Однесувањето на 19-годишниот бразилски напаѓач во соблекувалната сугерира дека е лут, објави „Радио Марка“.
Дресот со број девет во Реал Мадрид стана празен откако Килијан Мбапе го зеде бројот 10. Дресот со број 9 на крајот му припадна на 21-годишниот младински играч на Мадрид, Гонзало, кој стана најдобар стрелец на Светското клупско првенство.
Ендрик очекувал тој да ја добие „деветката“ и да се натпреварува со Мбапе за место во првиот тим. Затоа и одбил да оди на позајмица, вклучително и во Реал Сосиедад. Сепак, поради повреда на колкот, Бразилецот ќе биде надвор од терените до средината на септември.
sportmedia.mk
