Во собранието, јавна расправа за Предлог-законот за јавното обвинителство. Се предвидува самостоен буџет, строги дисциплински правила, без чување предмети во фиока, често и вонредно оценување на работата на обвинителите.
За државен јавен обвинител ќе можат да конкурираат само актуелни јавни обвинители или судии-кривичари. Од СДСМ со забелешки кои очекуваат да бидат вметнати во текот на собраниската процедура.
Од владејачкото мнозинство пак со став, реформите се потребни за да се спречи користењето на обвинителството како алатка за пресметка со политичките неистомисленици. Утре на пленарна седница, Ненад Савески треба да биде именуван за нов државен обвинител.
