Српскиот тенисер Новак Ѓоковиќ имаше големи физички и задравствени проблеми во осминафиналниот натпревар во Шангај против Хауме Мунар.
Листот на левата нога го мачеше Ѓоковиќ во текот на целиот меч, а дополнителен проблем му правеше високата влажност во воздухот.
Новак повраќаше неколку пати и во претходниот дуел, а го стори тоа и во дуелот со Мунар.
За ова му се извини на својот ривал.
„Извини што чекаше, морав да ја исчистам повраќаницата“, рече Ѓоковиќ, откако го избриша бетонот.
„Не грижи се, амиго, не брзај“, му одговори Мунар.
На крајот, Новак победи со резултат 6:3, 5:7, 6:2 и во следната рунда ќе игра против 26-годишниот Белгиец, Зизу Бергс.
Foto/ EPA
