Денеска повторно се случила трагична несреќа на Лефкада, поточно во Нидри, кога 66-годишна туристка беше извлечена мртва од водата.
Според информациите достапни на медиумите несреќната жена била од Србија. Откако била извлечена од водата, таа била пренесена со брза помош во болница во Лефкада. За жал, и покрај напорите на медицинскиот персонал, нејзиниот живот не можел да се спаси, објавува sinidisi.gr.
Засега, дополнителни детали за идентитетот на жената, како и околностите што довеле до оваа трагична смрт, не се објавени. Локалната полиција и надлежните служби спроведуваат истрага за да утврдат што точно довело до оваа несреќа.
Овој настан ја потресе локалната заедница и туристите што престојуваат на Лефкада, потсетувајќи ги на важноста на претпазливоста и безбедноста за време на летните одмори.
