Фондот за здравствено осигурување најавува засилени контроли во здравствените установи со цел да се спречат неосновани наплати од пациентите за услуги кои се покриени со задолжителното здравствено осигурување.
Контролите ќе бидат насочени кон проверка на наплатите и почитувањето на договорите, особено во случаи кога за иста услуга здравствените установи добиваат средства и од Фондот и од пациентите.
Од Фондот потсетуваат дека осигурените граѓани не се должни да плаќаат дополнително, освен партиципацијата утврдена со закон.
Здравствените установи, пак, треба јасно да ги истакнат ценовниците и да издаваат потврда за секоја извршена наплата.
За евентуалните неправилности, Фондот најавува мерки, а граѓаните можат да поднесат пријави до Секторот за контрола на оваа институција.
